Australia thiab Indonesia cov kev tswj kev ruaj ntseg

Australia tej coj tseem yuav tau xyuam xim heev txog tej lus zoj khi ntawm cov security agreement nrog teb chaws Indonesia tom qab tau muaj cov kev pom zoo kawg nrog lub teb chaws no tus coj, uas Australia tus thawj pwm tsav hais tias cov kev pom zoo no yuav ua rau ob haiv neeg no yuav tau sab laj txog tej xwm txheej kev ruaj ntseg ntau yam thiab npaj tej tswv yim raws li qhov tsim nyog los pab tswj kev ruaj ntseg yog tias raug tej xwm txheej no rau ib tog twg. Tab sis yeej tseem tsis tau coj tej kev pom zoo no coj los qhia kom ntxaws tias 'tau pom zoo txog dab tsi, yuav ua dab tsi li cas'.