Biðstaða

Ég bíð eftir að klukkan veki mig með frekjulegum hávaða. Ég bíð eftir að umferðarljósin sýni lit og hleypi mér af stað. Ég bíð eftir að hægfara vinnudagurinn leysi mig úr haldi sínu. Ég bíð eftir að sjónvarpsdagskráin geispi golunni þegar kvöldar. Ég bíð eftir að langþráður svefninn miskunni sig yfir mig að nóttu til. Ég bíð eftir að þú finnir ást þína á mér á meðal tilfinninga þinna. Ég bíð.