Centenario de Albert Camus co profesor Carlos Fernández no Sombreiro de Merlin

Este sábado no Sombreiro lembramos a Albert Camus no centenario do seu nacemento, nun programa especial onde teremos como convidado ao noso benquerido e respetado profesor, Carlos Fernández, Licenciado en Historia e en Arte polas Universidades de Oviedo e Compostela. Co profesor Fernández faremos, nesta ocasión, unha valoración da dimensión política de Albert Camus, nun percorrido que vai dende a súa relación con María Casares, a través da cal coñece a realidade da República española e a posterior Guerra Civil; a polémica que manterá con Gabriel Marcel sobre as repercusións da mesma; as polémicas xurdidas asimesmo con Sartre, Merleau-Ponty e Simone de Beauvoir pola cuestión da Guerra Fría; o tema da descolonización de Alxeria, e para rematar, unha valoración final sobre a actualidade do seu pensamento en temas como a pena de morte ou a violencia política.