De Tout Et De Rien - 2 Jiyè 2025 | Envite: AndyBeatz, Pi Dous, King Street & Steve Azor

Nan epizòd sa a, nou resevwa AndyBeatz, Pi Dous, King Street ak Steve Azor pou yon gwo chita pale sou Sumfest ak tout sa k’ap brase nan HMI a. Nou pale de gwo evènman BAYO ki sot fèt nan New York ansanm Afro Konpa, Crazy Brunch ak After Party Bayo. Nou antre fon nan tansion ki genyen ant atis tankou Roberto, Ritchie ak Ti Joe Zenny, epi nou dekouvri jan move kominikasyon ka mete dife nan relasyon ant gwoup.Nou mete limyè sou sistèm edikatif Ayiti a, jan li diskriminatwa epi kijan li afekte jèn yo depi timoun. Nou abòde dosye TPS la pou Ayisyen Ozetazini yo, enpòtans pou jwenn solisyon pèmanan, epi danje ki genyen lè nou rete twòp tan sou estati tanporè.Nou diskite tou sou feblès endistri mizik ayisyen an, mank koneksyon ak DJ yo, move estrateji sou TikTok ak mank vizibilite albòm yo. Gen gwo refleksyon sou relasyon fanm gason, presyon pou maryaj, ak jan “soft life” vin tounen yon chwa pou anpil moun. Gen blag, reyalite, ak bon jan verite ki sòti.