Dekouvri Kelly Krow: Atis Ayisyen nan Montréal k ap Melanje Rap, Afro ak Konpa

Nan epizòd sa a, Carel Pedre resevwa Kelly Krow, yon atis ayisyen k ap evolye nan Montréal, Kanada, ki rive fè plizyè milyon "plays" sou Spotify san li pa bezwen fè gwo bri. Kelly pataje istwa li, soti nan kòmansman li nan rap an 2012 rive nan tranzisyon li fè nan Afrobeat ak Konpa an 2017.Kelly Krow pale de defi li jwenn kòm atis endepandan nan dyaspora a, enpòtans fanmi li nan karyè li, ak fason li jere balans ant lavi père de famille ak lavi atis. Li ban nou detay tou sou pwochen albòm li k ap vini an ak istwa dèyè dènye chante pèsonèl li a ki rele "Kenbe m", ki dedye pou madanm li. Dekouvri yon atis ki gen yon style "bien posé" men ki gen yon gwo enpak nan mizik ayisyen an nan nivo entènasyonal.