Die geloofwaardigheid van bestedingsplanne tel vir die herfinansiering van die staatskuld

In die kommentaar oor die mini-begroting duik die staatskuld gereeld op. Jy sou dalk gelees of gehoor het dat die staatskuld nie te veel moet word nie. Die owerheid moet rente betaal voor enige ander besteding en ʼn te groot rentelas beteken daar is minder geld oor vir ander besteding. As die rentekoers hoër is as die groeikoers van die ekonomie, word die rentebetalings en omvang van die skuld maklik te veel. Maar daar word nooit veel gesê oor die feit dat die onderliggende staatseffekte van tyd tot tyd afgelos moet word nie. Die week het Standard Chartered daaroor gewaarsku. * Die Ekonomie Minuut word ondersteun deur die NWU Sakeskool.