Dimasa Language - "Words of Life".mp4

दिमासा भाषा - "जीवन के शब्द".mp4 // 1 KORINTH 13 - Hamjaoma1Subung ni grao buthu jang sorgo ni deglarao ni grao jang grao thi la khabo, hamjaoma khasaoma ani ha giri khade, gangthing bringba lai, odehe khorthali bringba lai se ning ang ja ma. 2Odehe grao thiphuyaba raothai khe la hi, khrip grao makhao khe odehe khrip gyan khebo maithar la khabo, hading buthu khe disai phu mani sosi lonma dong la khabo, hamjaoma khasaoma aniha giri khade, ang musibo niya. 3Aniha dongyaba khrip khe subung dukhisarao ne ri thar dada, ani saomang khe kham mani ri la khabo, hamjaoma khasaoma aniha giri khade, anthane khlai hi musibo lab giri. 4Hamjaoma khasaoma de khah lao hi, sui ma se; hamjaoma de bo hingsa jaya; jar khe jar sugu laya, sanggabo sanggaya. 5Hamjaoma de majangya hi doya, bo haglai thamsi baigoya; jar khe blaijao laya, hamjaoma khasaoma de jinis gajai buthu khe khah ha dengya. 6Hamjaoma khasaoma de gajai khusi dangyaba ha de khajaya, thikhabo gibi hade khaja pha re. 7Hamjaoma khasaoma de khrip habo dukhu ajao hi, khrip ha lonma jang asama habo khrip grao buthu ha phura dukhu ajao re. 8Hamjaoma khasaoma de jamthaoya. Grao thiyaba buthu dong lakha bo mathao jao ma se; grao mithiyayaba bo jam nang, gyanbo jamlang lama se. 9Bokhe jing khna soya, khnasoya hi ning jing thi du; 10thikhabo, phura sophai kha ning, bo phura soyayaba de jam lang lama se. 11Ang ansa ni sainkhali, ansarao lai grao jo ba, ansa ni khah khe ang lahi, ansarao ni baothai lai ang bao re; thikhabo ang dephai bani yaohon hade, ansarao ni dangthai khe ang dangkhlai kha 12Duha de, derphnai ha jini saogari khe nu laba lai se ning kho, thikhabo da nang hade sagang gede langsmaiyaba jama se. Duha de soyahi ang khna du; thikhabo da nang hade, sosi phura gibi khe ang mithi ba lai ning, sothar si ang mithi so ma se. 13Odese, ebo jinis matham, lonma ja thing, asama ja thing, odehe hamjaoma khasaoma buthu dongsong ma, odehe ebo buthu ni bising ha dedao thaoyaba de hamjaoma khasaoma se.