1x13 Nigromancia necromántica

Hoxe o noso submariño fixo de ponte entre o mundo da vida e da morte para contactar co mundo do máis alá, o mundo da morte e dos ritos da nigromancia, e izamos o periscopio para exploralo e ver cales son as novas máis nucelares do país de nunca volver. No camiño polo mundo das tenebras, atopamos a Agustín Coello, da asociación Draco, quen falou das xornadas Gygas no Ágora Tenebrae. Tamén atopamos a Lemmy, de Motorhead para saber quen o matou, e foi a morte, como di a súa canción que sonou na nosa radio, "Killed by Death". E como somos xente culta, limos un fragmento do libro "O Que Fala cos Mortos", de Brian Lumley, e mergullámonos nas profundidades da nigromancia para falar de literatura, videoxogos, cine e series mortais de necesidade. Acompañounos a música de: Megadeth, "Duke Nukem Theme" Chiasm, "Isolated" Iron Kingdom, "Voodoo Queen" Morrerás por escoitalo