Dit is moeilik om te sê hoe dit met die ekonomie gaan

Ekonome is maar bekommerd oor hoe dit met die ekonomie gaan in hierdie tweede helfte van die jaar. Ons weet dat die ekonomie gegroei het in die eerste kwartaal en ingekrimp het in die tweede. Data oor die derde en vierde kwartaal word stadigaan beskikbaar en daarin sien mens die impak van stadiger groei van die wêreldekonomie, hoë inflasie en rentekoerse, en ook beurtkrag. Nuwe syfers vir ABSA se aankopebestuurdersindeks, Naamsa se nuwe voertuig verkope-data en privaatsektor kredietverlening wys hoe moeilik dit is om te bepaal hoe dinge gaan. * Die Ekonomie Minuut word ondersteun deur die NWU Sakeskool.