Dit lyk of die kans vir 'n sagte landing nou skraal is

Dinsdag het ek vertel dat ABSA en die Buro vir Ekonomiese Ondersoek se aankopebestuurdersindeks in Septembermaand gedaal het en besigheidsaktiwiteite en-vooruitsigte gedemp voorkom. Gister het S&P Global hulle indeks vir Suid-Afrika bekend gemaak en dit bevestig dat privaatsektor-aktiwiteit negatief geraak word deur stygende inflasie en beurtkrag. Internasionaal lyk die kanse al hoe meer skraal dat die wêreldekonomie ʼn sagtelanding kan maak waar ekonomiese groei afneem, maar nie ʼn resessie word nie. Dit gaan alles afhang van die Amerikaanse Federale Reserwebank. * Die Ekonomie Minuut word ondersteun deur die NWU Sakeskool.