Skip to content
Durga Manas Puja दुर्गा मानस पूजा episode artwork

Nov 26, 2023 13 min

Durga Manas Puja दुर्गा मानस पूजा

from Rajat Jain 🚩 #Chanting and #Recitation of #Jain & #Hindu #Mantras and #Prayers Hosted by Rajat Jain

Durga Manas Puja दुर्गा मानस पूजा ★ उद्यच्चन्दनकुंकुमारुणपयोधाराभिराप्लावितां नानानर्घ्यमणिप्रवालघटितां दत्तां गृहाणाम्बिके । आमृष्टां सुरसुन्दरीभिरभितो हस्ताम्बुजैर्भक्तितो मात: सुन्दरि भक्तकल्पलतिके श्रीपादुकामादरात् ।।1।। देवेन्द्रादिभिरर्चितं सुरगणैरादाय सिंहासनं चंचत्कांचनसंचयाभिरचितं चारुप्रभाभास्वरम् । एतच्चम्पककेतकीपरिमलं तैलं महानिर्मलं गन्धोद्वर्तनमादरेण तरुणीदत्तं गृहाणाम्बिके ।।2।। पश्चाद्देवि गृहाण शम्भुगृहिणि श्रीसुन्दरि प्रायशो गन्धद्रव्यसमूहनिर्भरतरं धात्रीफलं निर्मलम् । तत्केशान् परिशोध्य कंकतिकया मन्दाकिनीस्त्रोतसि स्नात्वा प्रोज्ज्वलगन्धकं भवतु हे श्रीसुन्दरि त्वन्मुदे ।।3।। सुराधिपतिकामिनीकरसरोजनालीधृतां सचन्दनसकुंकुमागुरुभरेण विभ्राजिताम् । महापरिमलोज्ज्वलां सरसशुद्धकस्तूरिकां गृहाण वरदायिनि त्रिपुरसुन्दरि श्रीप्रदे ।।4।। गन्धर्वामरकिन्नरप्रियतमासंतानहस्ताम्बुज – प्रस्तारैर्ध्रियमाणमुत्तमतरं काश्मीरजापिंजरम् । मातर्भास्वरभानुमण्डललसत्कान्तिप्रदानोज्ज्वलं चैतन्निर्मलमातनोतु वसनं श्रीसुन्दरि त्वन्मुदम् ।।5।। स्वर्णाकल्पितकुण्दले श्रुतियुगे हस्ताम्बुजे मुद्रिका मध्ये सारसना नितम्बफलके मंजीरमड़्घ्रिद्वये । हारो वक्षसि कंकणौ क्वणरणत्कारौ करद्वन्द्वके विन्यस्तं मुकुटं शिरस्यनुदिनं दत्तोन्मदं स्तूयताम् ।।6।। ग्रीवायां धृतकान्तिकान्तपटलं ग्रैवेयकं सुन्दरं सिन्दूरं विलसल्ललाटफलके सौन्दर्यमुद्राधरम् । राजत्कज्जलमुज्ज्वलोत्पलदलश्रीमोचने लोचने तद्दिव्यौषधिनिर्मितं रचयतु श्रीशाम्भवि श्रीप्रदे ।।7।। अमन्दतरमन्दरोन्मथितदुगग्ढसिन्धूद्भवं निशाकरकरोपमं त्रिपुरसुन्दरि श्रीप्रदे । गृहाण मुखमीक्षितुं मुकुरबिम्बमाविद्रुमै- र्विनिर्मितमघच्छिदे रतिकराम्बुजस्थायिनम् ।।8।। कस्तूरीद्रवचन्दनागुरुसुधाधाराभिराप्लावितं चंचच्चम्पकपाटलादिसुरभिद्रव्यै: सुगन्धीकृतम् । देवस्त्रीगणमस्तकस्थितमहारत्नादिकुम्भव्रजै – रम्भ:शाम्भवि संभ्रमेण विमलं दत्तं गृहाणाम्बिके ।।9।। कह्लारोत्पलनागकेसरसरोजाख्यावलीमालती – मल्लीकैरवकेतकादिकुसुमै रक्ताश्चमारादिभि: । पुष्पैर्माल्यभरेण वै सुरभिणा नानारसस्त्रोतसा ताम्राम्भोजनिवासिनीं भावतीं श्रीचण्डिकां पूजये ।।10।। मांसीगुग्गुलचन्दनागुरुरज:कर्पूरशैलेयजै – र्माध्वीकै: सह कुंकुमै: सुरचितै: सर्पिर्भिरामिश्रितै: । सौरभ्यस्थितिमन्दिरे मणिमये पात्रे भवेत् प्रीतये धूपोsयं सुरकामिनीविरचित: श्रीचण्डिके त्वन्मुदे ।।11।। घृतद्रवपरिस्फुरद्रुचिररत्नयष्टयान्वितो महातिमिरनाशन: सुरनितम्बिनीनिर्मित: । सुवर्णचषकस्थित: सघनसारवर्त्यान्वित – स्तव त्रिपुरसुन्दरि स्फुरित देवि दीपो मुदे ।।12।। जाती सौरभनिर्भरं रुचिकरं रुचिकरं शाल्योदनं निर्मलं युक्तं हिंगुमरीचजीरसुरभिद्रव्यान्वितैर्व्यंजनै: । पक्वान्नेन सपायसेन मधुना दध्याज्यसम्मिश्रितं नैवेद्यं सुरकामिनीविरचितं श्रीचण्डिके त्वन्मुदे ।।13।। लवंगकलिकोज्ज्वलं बहुलनागवल्लीदलं सजातिफलकोमलं सघनसारपूगीफलम् । सुधामधुरिमाकुलं रुचिररत्नपात्रस्थितं गृहाण मुखपंकजे स्फुरितमम्ब ताम्बूलकम् ।।14।। शरत्प्रभवचन्द्रम:स्फुरितचन्द्रिकासुन्दरं गलत्सुरतरंगिणीललितमौक्तिकाडम्बरम् । गृहाण नवकांचनप्रभवदण्डखण्डोज्ज्वलं महात्रिपुरसुन्दरि प्रकटमातपत्रं महत् ।।15।। मातस्त्वन्मुदमातनोतु सुभगस्त्रीभि: सदाsन्दोलितं शुभ्रं चामरमिन्दुकुन्दसदृशं प्रस्वेददु:खापहम् । सद्योsगस्त्यवसिष्ठनारदशुकव्यासादिवाल्मीकिभि: स्वे चित्ते क्रियमाण एव कुरुतां शर्माणि वेदध्वनि: ।।16।। स्वर्गांगणे वेणुमृदंगशंखभेरीनिनादैरुपगीयमाना । कोलाहलैराकलिता तवास्तु विद्याधरीनृत्यकला सुखाय ।।17।। देवि भक्तिरसभावितवृत्ते प्रीयतां यदि कुतोsपि लभ्यते । तत्र लौल्यमपि सत्फलमेकं जन्मकोटिभिरपीह न लभ्यम् ।।18।। एतै: षोडशभि: पद्यैरुपचारोपकल्पितै: । य: परां देवतां स्तौति स तेषां फलमाप्नुयात् ।।19।।

Episode details come from the podcast's RSS feed.

Embed this episode

Ready to play

Durga Manas Puja दुर्गा मानस पूजा

0:00 13:16

No transcript yet.

Requests help us decide what to transcribe next.

Frequently asked questions

How long is this episode of Rajat Jain 🚩 #Chanting and #Recitation of #Jain & #Hindu #Mantras and #Prayers?

This episode is 13 minutes long.

When was this Rajat Jain 🚩 #Chanting and #Recitation of #Jain & #Hindu #Mantras and #Prayers episode published?

This episode was published on November 26, 2023.

Can I download this Rajat Jain 🚩 #Chanting and #Recitation of #Jain & #Hindu #Mantras and #Prayers episode?

Yes. Use the download control on the episode player to save the publisher-provided media file.