EBAri uko egingo dio Natra Oñatik

Bi urte estatu mailako laugarren mailarik onenean egon ostean, Natra Oñati Aloña Mendik uko egingo dio datorren urtean EBA mailan jokatzeari. Oñati aldean erraz ahaztuko ez diren urteak utzi dizkigu saskibaloiak azken bost urteotan, eta agurra ere zoragarria izan zen EBA liga irabazi eta LEB mailara igotzeko play off-a jokatuta. Ez da erabaki erraza izan, baina azken aste hauetan klubean izan dituzten hainbat bileren ostean, atzo iluntzean hartu zuen erabakia momentuan jardunean dagoen zuzendaritzako lantaldeak. Aukera guztiak aztertu dira. Kirol arlokoak zein arlo ekonomikokoak. Eta hausnarketa sakon bat egin ostean, azken urte hauetan bizi izandako ametsari agur momentu egokia dela erabaki dute arduradunek. Gorka Judezek azaldu dizkigu zergaitiak.