El Llagar de Lan. Capítulu 9
from El Llagar de Lan
Nel novenu capítulu del Llagar de Lan quedamos con Marta Varela del Grupu Teatru Refaxu de Blimea pa contratar una función, pero ni Lan ni los sos collacios lleguen a la cita. Tan embarcaos na furgoneta en direición al aeropuertu pa dir a Washington pa ver a Donald Trump. Falamos con ellos pol teléfonu y con Marta Varela de la obra DIVORCIU DE GRUPO que van representar nel Teatru de L'Entregu. Lan tien un suañu,poner un llagar: El Llagar de Lan. Onde compartir ente culete y culete, ente pinchu y pinchu,les coses importantes de la vida: cantares, chistes y charres. Charrar colos amigos de lo mundanu y lo divinu. Asina qu'agora, gracies a seis númberos y el complementariu quier faer realidá'l so suañu. Non dir al Caribe, nin dar la vuelta al mundu, si non quedase nel so pueblu y facer el meyor llagar, y gratuitu, pa los amigos. Pa llogralo quier consiguir los platos más esquisitos, los meyores ingredientes, les meyores bebíes y los secretos culinarios guardaos polos meyores restoranes. Asina qu'entama un viaxe a la gueta de too ello, merca una furgoneta na que lu acompañen Nachu Fernández como conductor, Javier del Caño como mecánicu y Martín Ardines como guía. Y en cada viaxe conviden a dellos personaxes famosos, pernomaos, conocíos, pa consiguir ente toos el meyor llagar, el Llagar de Lan. Acompañainos nesti viaxe, táis convidaos.
Embed this episode
No transcript yet.