Elektrisiteitstariewe

Een van die grootste beperkinge op ekonomiese groei in Suid-Afrika is beurtkrag, en een die grootste skuldblootstellings in die openbare sektor is Eskom se skuldlas en daarom is enige energie-nuus van belang. Gister het die energie reguleerder Nersa na ʼn hofstryd aangekondig dat Eskom ʼn addisionele R6 miljard se inkomste van verbruikers mag verhaal. As dit alles hierdie jaar deel word van prysverhogings, kan elektrisiteitspryse met 10,95% styg. Daar is nog ander hofsake aan die gang oor die berekening van Eskom se toelaatbare inkomste wat later tot nog hoër elektrisiteitpryse kan lei. Maar dit is nie die einde van die storie nie.