Emeline Mataia -Volkman NSW Samoan Senior Rugby Union" E tusa ma le 189 tama taaalo mai Samoa ma Niu Sila ua ui mai le Iuni"

Ua sauni atu le NSW Samoan Senior Rugby Union mo la latou Gala Ball 2026 i le Aso Toonai o le vaiaso fou 15 Aokuso ma ua vaaia foi le sologa lelei o tapenaga a latou au i le tauvaga o faagasolo.Saunoa le tamaitai failautusi ia Emeline Mataia-Volkman pe tusa ma le 189 tama taaalo lakapi mai Samoa ua sao mai i totonu o lenei polokalame ma maua a latou konekarate lakapi e agai atu ai i atunuu Asia pei o hong kong ma Shri Lanka.O le faaauau ai pea o lenei auaunaga sa sau ai a o tau amata mai e nisi suafa iloga i le lakapi pei o Nua Tavita Sio,Gisa Vili Alaalatoa,Francis Betham ma nisi o tamalii.E toatele foi sui o le Manu Samoa na fofoa atu ai i lenei Iuni e pei o Fua Veiru,Nifo Vaeluaga,Fosi Palaamo,Michael Alaalatoa ma nisi.Mo nisi o tala fou ma tala o taaloga faafofoga mai le SBS Samoan i Aso Lulu 2pm ma toe faasalalauina i le po 10pm.Faapea foi le Aso Faraile 2pm ae toe faasalalauina i le po Aso Sa 10pm.