Enxhi Nasufi zbërthen zemrën/ “Ku je”, një baladë që thyen heshtjen e mungesës!

Enxhi Nasufi ishte e ftuar në emisionin “Lancio” me Erma Micin në Top Albania Radio, ku ndau me dëgjuesit historinë e saj artistike dhe emocionet pas këngës më të re “Ku je”. Gjatë intervistës, Enxhi foli për fillimet e saj në muzikë, pasionin që e ka shoqëruar që në fëmijëri dhe rrugëtimin mes skenës, sfidave dhe rritjes personale. Ajo theksoi rëndësinë e qëndrueshmërisë dhe punës së palodhur për të ndërtuar një karrierë të vërtetë dhe të qëndrueshme në një treg që shpesh i kushton më shumë vëmendje imazhit sesa thellësisë artistike.