【Ep 0.5】放棄補習天王光環？喺最頂峰辭職，我點解要親手打碎一切？

「Fish，你喺呢度做到最高峰，學生又多，點解要走呀？你係咪痴咗線？」呢句說話，喺我遞信辭職嗰段日子，聽過無數次。喺好多人眼中，能夠喺補習社立足，擁有光環同穩定收入，就係「成功」。就好似好多同學仔心目中嘅「三大」或者「神科」一樣，入到去就等於人生贏家。但係，當你擁有一切，望住塊鏡，卻發現自己慢慢變成一部只識教考試技巧嘅機器、失去咗當初想「教好一個學生」嘅初心……你，有冇勇氣㩒下人生嘅 Reset 掣？上一集，我分享咗 DSE 失手嘅低谷；今集 Episode 0.5，我想同大家坦白我人生第二次嘅大轉折——離開舊東家，由零開始嘅掙扎與重生。如果你而家正為咗屋企人嘅期望，死頂緊一科你根本唔鍾意嘅科目；如果你驚一轉科、一轉跑道，就會俾人覺得你係 Loser……呢集 Podcast，係我特別為你而錄嘅。連阿 Sir 喺事業最高峰都敢重新洗牌，你哋得十幾歲，有咩好驚？聽完呢集，希望俾到你放手嘅勇氣。