【Ep.1.5】中學讀 ICT 對大學 CS / Data Science 有冇用？過來人 Thomas 一次講清！

「讀 ICT？正喎！上堂可以對住部電腦，實係學吓打字、砌機、玩 Game 啩！」如果你係中三，而你腦入面對 ICT 有呢個幻想——請你即刻停一停，聽完呢集先好交選科表！每年都有好多同學因為「鍾意電腦」就揀咗 ICT，但入到去先發覺：原來要讀 Theory、要寫 Programming、仲有份搞到你幾晚通宵嘅 SBA 等住你。但另一方面，又有人話 ICT 係「水泡科」，考試唔難、背嘢唔多，係 DSE 嘅救命符。到底邊個講法係真？今集，Fish Sir 請嚟而家喺嶺南大學讀緊 Data Science 嘅 Thomas，由中學選科講起，親身拆解 DSE ICT 嘅真實面貌——包括 Programming 係咪真係噩夢、SBA 要花幾多時間、中學 ICT 對大學 Tech 科目有冇實際幫助，同埋最重要：咩人適合揀 ICT，咩人揀完會後悔？