【Ep.1】讀錯科搞到「被 Defer」？由跌落谷底到重新考入 LingU Data Science，過來人教你點樣逆境翻盤！

「收到大學封信話我被 Defer 嗰一刻，我覺得自己個世界崩潰咗。」好多人以為入咗大學就等於上咗岸，但如果入錯科、讀唔掂，甚至搞到被大學強制 Defer（停學/延遲），嗰種挫敗感同恐懼，真係非筆墨所能形容。「點同屋企人交代？」、「啲中學同學畢晒業，得我一個仲喺度重讀？」、「我係咪真係咁廢？」如果你都經歷緊大學嘅低谷，甚至面臨學業危機，呢集 Podcast 你一定要聽。今集，Fish Sir 請嚟經歷過真正「谷底反彈」嘅 Thomas。佢曾經喺 CityU 讀錯科，最終面臨「被 Defer」嘅殘酷現實。由最初嘅崩潰、自我懷疑，到最後鼓起勇氣重新洗牌，成功考入嶺南大學讀 Data Science。佢用親身經歷話你知：被 Defer 唔係世界末日，只係人生俾咗個機會你，去搵返真正屬於你嘅路！