Ep.1137 已經冇得再曖昧啦！｜拍緊拖、結咗婚，先開始掛住未一齊嗰種心跳？｜班女未夠熟🎙️ 主持: Beverley、Blaire、Emily、Erin (09.03.26)

到咗呢個年紀，突然發現「曖昧」呢樣嘢好似已經離我哋好遠。有人拍咗好多年拖，有人已經結咗婚，回頭望返以前嗰啲曖昧期等一個人Message、見到佢個名彈出嚟會心跳、出街之前諗好耐着咩衫、明明大家都知發生緊咩事，但又冇人講出口……以前可能覺得：「到底幾時先講清楚啊？」而家諗返又會覺得：其實嗰種未知、期待同心跳，好似幾浪漫。咁到底點先算「曖昧」？日日Message算唔算？成日單獨約出街算唔算？會掛住對方、會呷醋，但又未正式一齊，又算唔算？今集《班女未夠熟》，我哋幾個已經好耐冇「曖昧」嘅女人 😂 一齊回憶下以前嗰種未講出口嘅關係。點解人大咗之後，曖昧反而變得咁陌生？係因為我哋已經冇耐性估？定係當一段關係穩定咗之後，先會開始懷念以前嗰種「唔知佢鍾唔鍾意我」嘅刺激？當然，掛住曖昧嘅感覺，唔代表想同第二個人曖昧。可能我哋真正掛住嘅，只係一段關係最初嗰種期待見到一個人、期待收到一個Message、期待下一次見面嘅心跳。所以今集想問大家：你仲記唔記得自己上一次曖昧係幾時？#班女未夠熟 #OneNightTalk #廣東話Podcast #曖昧 #拍拖 #戀愛 #感情 #長期關係加入 ONT 討論台與主持展開激情對話：t.me/onenighttalk604linktr.ee/Onenighttalkwww.threads.net/@onenighttalk604