Ep. 217 - Néboa [Grandes Vozes do Nosso Mundo]

Fanse chamar Néboa. Teñen un disco de título moi acorde co nome do grupo -A realidade enganosa- e dedícanse a facer materia prima para a festa: unha música resultado da síntese estilística do pop ao rock e da fusión da "de antes" e da "de agora". Acaban de ser finalistas no Certame Aritmar onde foron valorados por nada máis e nada menos que cinco mil persoas. No Grandes Vozes queremos coñecelos en primeiro plano. "Venham mais cinco", como diría o Zeca Afonso!