Ep. 261: DIEGO de BRAELLE [Grandes Vozes]

A nosa máis recente descuberta chega desde Braelle, en Couzadoiro, na comarca do Ortegal. Do seu lugar de orixe toma o nome artístico -Diego de Braelle- este mozo que lanza agora o seu primeiro EP (ORTEGAL) e que confiou no Grandes Vozes para debutar nas ondas. Nesta primeira aventura, o cantor está acompañado por unha banda formada por Brais Fustes (batería); Joel Crespo (piano, órgano e baixo); Álvaro Fernandez (saxo); Lara Villaverde (voz); e Diego Soto (guitarra e voz). O traballo de após-gravación é de @8_estudios, de Lugo, e do deseño e ilustración ocupouse Cristian F. Caruncho.