Ep.846【That’s OR 講開又講｜S2 EP12】聖誕交換禮物中伏派對｜年尾讀書會｜Tell Me Everything ｜底層邏輯｜ 《ONT》（12.25.2025）主持：Sophie｜Jessie

【That’s OR 講開又講｜S2 EP12】聖誕交換禮物中伏派對｜年尾讀書會｜Tell Me Everything ｜底層邏輯｜ 《One Night Talk》（12.25.2025）主持：Sophie｜Jessie［近況 Update ］✨ 聖誕交換禮物中伏派對Jessie 同舊同事嘅Christmas Party ，例牌有交換垃圾環境（垃圾定義：自己用唔著，但覺得人地可能適合），其中一位同事勁有心思手，專登買咗一樣道具嚟搞氣氛，想知係咩，快啲聽節目啦！✨搭錯線讀書會傾錯10分鐘先發現大家唔係講緊同一本書同書唔同作者名😂😂😂📚講返《底層邏輯》（作者：劉潤）先💭當我哋遇到問題或者困難，好多時第一個反應都係憑經驗、直覺去判斷。💭但作者就提出一個好值得學嘅思考框架：「假設－驗證－結論－調整」。簡單嚟講，就係遇到問題嗰陣，先唔好急住下結論，而係大膽假設，再小心驗證，得到結論之後，再根據結果作出調整。💭文章入面用咗二戰時期嘅飛機✈️做例子當年飛機損失非常慘重，而少數成功返到基地嘅飛機，大多數都可以見到機翼上佈滿彈孔。於是軍方最初嘅判斷就係：「機翼成日中彈，應該要喺機翼加裝鋼甲，減少損失。」但如果用返「假設－驗證－結論－調整」呢套方法去諗，就會發現，事情其實唔係咁簡單。💫假設：飛機應該喺機翼位置加鋼甲💫驗證：真正被擊落嘅飛機，究竟係邊啲部位中彈最多？💫結論：原來被擊落嘅飛機，多數係頭部同尾部中彈，而唔係機翼💫調整：與其加固機翼，不如加固機頭同機尾，先真正有效呢個例子提醒我哋：有時我哋「睇到」嘅嘢，只係倖存者，真正重要嘅資訊，反而喺我哋睇唔到嘅地方。作者亦藉住呢個段落提醒我哋，雖然「眼見為實」好多時都好重要，但如果只依賴表象同經驗，反而有機會被誤導，睇唔清事情嘅本質。所以作者總結咗三個好關鍵嘅提醒：1️⃣拋棄過往經驗同想當然，用空杯心態去睇問題2️⃣善用「假設－驗證－結論－調整」，大膽假設，小心求證3️⃣唔好畀立場同利益牽住走，要就事論事做到以上三點，就算面對再複雜嘅問題，我哋都有機會一步一步拆解，抽絲剝繭，睇清事情真正嘅本質👐🏻祝大家愉快學習、身體健康！Merry Christmas🎄📅 星期四晚上 7:30Spotify / Apple Podcast 見！#ThatsOr講開又講 #廣東話Podcast #溫哥華生活 #異地再講 #遠距離Podcast #一個溫哥華一個香港 #年尾讀書會加入ONT討論台 與主持展開激情對話：t.me/onenighttalk604linktr.ee/Onenighttalkwww.threads.net/@onenighttalk604