EP 9 ｜大聲喊出台灣人的尊嚴 - 世界級的傳道者黃彰輝牧師

逐家若kah編仔仝款，tshiânn關心台獨運動ê歷史kah進度，相信lín應該lóng知影1972年ê「Tâi-uân-jîn-bîn-tsū-kuat-ūn-tōng（台灣人民自決運動）」是黃彰輝、黃武東、宋泉盛三位牧師kah林宗義博士tī美國發起；mā知影1980年，ＦＡＰＡ成立，是黃彰輝牧師kah彭明敏組織--ê。這nn̄g-tsân對thui-sak海內外台獨運動tshiânn重要ê代誌，lóng hām今仔日ê主角——黃彰輝牧師有關。 黃牧師ê名，台灣話叫N̂g Tsiong-hui。伊生tī日本時代，去英國留學ê時陣hōo人稱做“Sho-ki Ko”。國民黨統治下ê台灣開始使用北京話，伊ê名變做“Chang-Huei Hwang”。黃牧師定定怨嘆：「名hiā-nī濟，領過tsia濟國家ê護照，毋是beh展示台灣人榮光ê歷史，顛倒是顯示故鄉經過幾若ê世代受壓迫ê悲哀。」 歡迎逐家做伙收聽「李講古，我來聽」，這集欲講ê故事是世界級的傳道者──黃彰輝牧師ê故事。 #台灣基督長老教會 #人權宣言  #黃彰輝牧師、#黃武東牧師、#宋泉盛牧師 #林宗義博士 #台灣人民族自決 #FAPA #台灣人公共事務會 #彭明敏 #台灣人的意識 #我是台灣人 #新而獨立的國家 故事ê文字稿，請去阮ê面冊kah網站 https://www.taigistory.com/ 面冊迷眾頁 https://www.facebook.com/Podtaigi.LKK/ Instagram https://www.instagram.com/podtaigi.lkk/