Ep12. 戀戀故鄉土 切切台灣情─《永遠的故鄉》

節目來賓：星洋＆星洋= = 文學作品：【出外人】─蕭泰然 【永遠的故鄉】─吳景裕 音樂作品：台中藝術家合唱團《點心擔》、《出外人》─蕭泰然 作曲 拉縴人男聲合唱團《永遠的故鄉》─蕭泰然 作曲 【出外人】 咱攏是出外人， 對遠遠的台灣來。 雖然我會講美國話；言語會通心未通。 咱攏是出外人， 在遠遠的台灣彼； 有咱的朋友與親人，不時互相在思念。 人人在講美國是天堂， 使人真心羨； 若是問你講是怎樣? 「天堂不是在此!」 咱攏是出外人， 對遠遠的台灣來。 雖然我會講美國話；言語會通心未通。 咱攏是出外人， 在遠遠的台灣彼； 有咱的朋友與親人，不時互相在思念。 ──蕭泰然 【永遠的故鄉】 看著是茫茫的海水　思念是遠遠的故鄉 三十年飛鳥在流浪　故鄉　我的故鄉 鼻著是芬芳的花味　風吹是靜靜的故鄉 一二叢蓮霧在開花　故鄉　我的故鄉 照著是白白的月光　出日是美麗的故鄉 三四甲稻仔在結穗　故鄉　我的故鄉 聽著是近近的笑聲　作夢是細漢的故鄉 五六隻田嬰在戲水　故鄉　我的故鄉 踏著是青青的土地　希望是永遠的故鄉 每一遍心內在叫你　故鄉　永遠的故鄉 ──吳景裕 -- Hosting provided by SoundOn