【EP50 中女Rachel的煩惱📨 】加拿大嘅中文電台，日日聽會不自覺變「老油條」？堅係驚！（1/3）

未來四集，《圍爐》主持會齊齊激辯、深入解答多倫多聽眾Rachel嘅來信。你自己又點睇？🎧 📮 圍爐主持，你哋好呀！我係你哋喺多倫多嘅聽眾，今年就嚟40歲，聽咗你哋個podcast差唔多一年，真係好過癮，亦學到好多嘢！ 最近呢個星期聽你哋講多倫多嘅中文電台嗰啲「一成不變」嘅風格，仲有好多聽眾提到一啲主持人——好似潘x明同林x華——嗰種「老油條」作風，搞到我都好驚自己老咗會變成咁…… 老實講，佢哋做節目嘅態度真係令人有啲唔舒服。我發覺連啲中年主持（同我差唔多年紀）都開始慢慢有呢種「老油條」味。其實我自己都算係幾有趣、幾玩得嘅人，潘x明同林x華後生嗰陣應該都係，但而家聽佢哋做節目，就成日覺得好Hea、好「大支嘢」，甚至乎林x華喺屋企遙距做節目時，啲回音大到好似佢完全唔Care咁…… 不過，我咁講唔係單純因為我係你哋嘅聽眾，而係真心覺得你哋幾位（包括最近位嘉賓朱雪梅）完全冇嗰種「老油條」味，反而keep住一種好玩、得意嘅感覺！究竟點先可以好似你哋咁，去到呢個年紀都依然咁有活力？點樣先可以避免變成「老油條」？ 你哋由40到60歲呢二十年，其實係點樣過㗎？除咗要戒聽林x華同潘x明嘅節目（我知㗎！），同埋避開加拿大啲中文電台（因為依家連佢哋中年主持都有「老油條化」跡象……），仲有冇啲咩「都市老油條預防藥」可以畀而家就快40歲嘅我？ 特別蘇博士，最近睇到你專欄寫：你「不是老了才慢吞吞，而是慢吞吞的小孩老了。」真係好正啊。要教吓我，因為我覺得潘x明同林x華兩個OLD SEAFOOD過你好多、好多。唔好意思，寫到咁長，但真係好想知你哋點睇！ Rachel ☕ 本週主持： 李家豪 · 蘇賡哲 · 麥之華 · 朱福強 · 薛梅 🎙️《圍爐問如果》暑期版 逢星期一、三上架 ♥️ 逢星期五/週末 繼續深談《圍爐不取暖》