EP7 | 就嚟 3 歲發音都唔清楚，正唔正常？ 廣東話語音發展階梯及常見錯音模式

就嚟 3 歲，仲有好多字講唔清楚，係咪一定有問題？好多家長一聽到「發音錯誤」，就即刻上網搵資料，但越睇越迷惘：有啲話要即刻糾正，有啲又話可以等多幾年。其實，判斷小朋友發音是否符合發展，不應該只睇「識唔識講某一兩個音」，而係要放返入整體廣東話聲母嘅發展階梯去理解。今集，小羽姑娘會用好易明嘅方式，介紹 2 至 6 歲廣東話聲母的大約發展次序（由唇音開始，到最後先穩定嘅齒音），並提供三條「在家自我檢查問題」，幫家長大致掌握：而家係「仍在發展中」，定係「值得約言語治療師傾一傾」。節目同時會分享，家長可以點樣用「示範」、「描述」、「留位俾小朋友開口」，溫和地支援發音，而唔係變成壓力式操練。內容包括：廣東話聲母六大類：唇、近、氣、舌、顎、齒的大約發展階梯2–6 歲發音由「多錯音」到「漸漸清晰」的自然過程三條家長在家可用的自我檢查問題（錯音集中喺邊一類？陌生人聽得明幾多？錯音有冇模式？）在家支援發音嘅三個方向：正確示範、遊戲入面多聽目標音、適量望口型＋跟讀適合收聽的你：正在擔心「3 歲、4 歲都仲講唔清楚」，但唔知嚴重唔嚴重的家長想知道廣東話發音大約里程碑，又唔想被專業術語嚇親的家長想學習如何在家支持孩子發音，同時保護佢講嘢興趣和自信的照顧者🎁 免費下載：《廣東話語音發展階梯及常見錯音模式》PDF想要一份整理好嘅發展階梯圖同常見錯音模式總覽？歡迎到 IG 專頁 @thelittlemissfeather，DM 我「發音」，我會將 PDF 連結送俾你。