Episode 1: 1
from ====== "Амьдралын үгс", "Сайн мэдээ", "Сайн мэдээний дуу" / Халимаг-Ойрад, Элут, Дуншян, Монгол хэл дээр, Орос, Мандарин хэлээр ====== Hosted by Kalmykia Words of Life
ЙОХАН 1 --1 Орчлң үүдхәс урд Үг бәәҗ. Үг Бурхнла негн бәәҗ. Үг Бурхн бәәҗ. 2 Орчлң үүдхәс урд Үг Бурхнла бәәҗ. 3 Цугнь Үгәр дамҗҗ үүдәгдҗ. Терүг угаһар юмн үүдсмн уга бәәҗ. 4 Цуг үүдәсн юмн Үглә нииләд җирһҗ. Җирһл күмни герл бәәҗ. 5 Герл харңһуд гилвкнә. Харңһу терүг диилсн уга. 6 Бурхн кү илгәҗ, күүнә нернь Йохан бәәҗ. 7 Цуһар соңсад итктхә гиһәд Йохан герлин туск герч болад ирҗ. 8 Бийнь герл биш бәәҗ. Герлин туск герч болад орчлңд ирҗ. 9 Үг гисн йосн герл мѳн. Герл орчлңд ирәд күмн-әмтнд тусҗ герлтүлнә. 10 Үг орчлңд бәәҗ. Терүгәр дамҗҗ үүдсн орчлң Бийнь таньсн уга 11 Эврә һазрур ирҗ. Эврә әмтн терүг седклдән орулсн уга. 12 Седклдән орулсн әмтнд, Бийднь итксн әмтнд Бурхна үрдүд болх зѳв Тер ѳгв. 13 Эн үрдүд экиннь геснәс, күүкд күн залу күн хойрин седвәрәс тѳрсн үрдүд биш, эдн Бурхнас тѳрсн үрдүд. 14 Үг күн болҗ, мадн дунд бүүрлҗ. Эн Үг маднд чилшго хәәрлтиг, Бурхна туск үнниг үзүлв. Эцкиннь һанцхн кѳвүн болҗ Эцкәс авсн Терүнә йосиг бидн лавта үзвидн. 15 Йохан Терүнә тускар чаңһ дууһар иигҗ герчлҗ: Эн күүнә тускар би иигҗ келләв: Мини хѳѳн ирхнь нанас ик чинртә, юңгад гихлә Тер нанас урд мѳңкиндән бәәдг бәәҗ. 16 Тер эврәннь ик байлг хәәрлтәс маднд дам-дам сә кеһәд әдслв. 17 Бурхн Мошеһар дамҗад зака ѳглә, зуг хәәрлт болн үн Исус Христосар дамҗҗ үзүллә. 18 Бурхиг күн тѳрүц үзәд уга, зуг Эцкиннь ѳѳр бәәсн ор һанцхн Бурхн маднд Бурхна тускар медүлв.
Embed this episode
No transcript yet.