Episode 21: ARDE LUCUS: posiblemente a mellor recreación histórica do mundo (en GALEGO)

Catorce anos antes de nosa era, o maxistrado e legado de César Augusto Paulus Fabius Máximus fundou en nome do Emperador de Roma a cidade de Lvcvs Avgvsti nun lugar alto próximo ao Miño, o maior río de Galicia. Desde principios de século a cidade celebra o ARDE LUCUS, unha recreación histórica cualificada como de Interese Turístico Internacional e unha das mellores do mundo no seu tipo, na que as tropas romanas chegan a ese lugar de Galicia, ata o momento ocupado por castrexos.  Lugo é a única cidade do mundo que conserva unha muralla romana completa. Foi declarada Patrimonio da Humanidade pola UNESCO no ano 2000. Nas edicións anteriores acudiron máis de 600.000 visitantes a gozar dunha festa histórica espectacular.