Episode 226: "Bugbog"

Hindi masama ang mag-asawa ulit para magkaroon ng katuwang sa buhay. Pero paano kung ang akala mong katuwang ay siya pa palang mas magpapahirap sa mahirap nang buhay ng mga anak mo? Wala pang isang taon nang makahanap ulit ng babaeng mamahalin ang tatay ni William at Nina simula nang mamatay ang nanay nila. Wala naman sanang problema noong una pero nagbago ang lahat nang maging stay-in sa trabaho ang tatay nila. Hindi lang masasakit na salita ang nakukuha nila sa kanilang madrasta dahil sinasaktan din sila nito. Sino ba ang dapat mas pagkatiwalaan, ang mga anak mo o ang babaeng minamahal mo? Pakinggan ang kwento ni William sa Barangay Love Stories.