Episode 56: 3gp.منطقة القبائل - "الكلمات من سلام ل امرأة"

Kabyle - "Paroles de paix pour les femmes".3gp / Kabyle - "Words of Peace for Women".3gp // 1 Corinthians 13 1 Ɣas zemreɣ ad mmeslayeɣ timeslayin n ddunit meṛṛa, ad rnuɣ tid n lmalayek, ma ur sɛiɣ ara leḥmala, ad iliɣ am ṭṭbel iddendunen neɣ nnaqus iṭṭenṭunen. 2 Ɣas ma yettunefk-iyi-d ad ttxebbiṛeɣ sɣur Ṛebbi, ad fehmeɣ kra yellan d lbaḍna, ad sɛuɣ akk tamusni, ɣas ad sɛuɣ liman swayes i zemreɣ ad iniɣ i wedrar qleɛ iman-ik syagi tṛuḥeḍ ɣer wemkan ihina, ma ur sɛiɣ ara leḥmala, nekk d ulac. 3 Ɣas daɣen ad feṛqeɣ ayen akk sɛiɣ i wid illuẓen, ɣas ad fkeɣ tafekka-w iwakken ad terɣ, ma ur sɛiɣ ara leḥmala, ayagi ur yi-infiɛ ara. 4 Leḥmala tettawi-d ṣṣbeṛ, leḥmala tettɛawan, leḥmala ur tesɛi ara leḥsed, ur tesɛi ara zzux, win isɛan leḥmala ur issalay ara iman-is, 5 win isɛan leḥmala ur ittnadi ara ad ixdem cceṛ, ur ittnadi ara ɣef nnfeɛ-ines, ur izeɛɛef ur ittaṭṭaf cceḥnat ; 6 Win isɛan leḥmala ur ifeṛṛeḥ ara s lbaṭel meɛna ifeṛṛeḥ s lḥeq; 7 leḥmala tettsamaḥ kullec, tettamen, tessaram tsebbeṛ i kullec. 8 Axebbeṛ n wayen i d-ittasen sɣur Ṛebbi ad ifak, timeslayin ur nettwassen ara ad ḥebsent, tamusni ad tefnu, ma d leḥmala werǧin ad tfak ; 9 axaṭer tamusni-nneɣ txuṣṣ, ayen nettbecciṛ sɣur Sidi Ṛebbi ur innekmal ara, 10 meɛna mi ara d-yaweḍ wayen innekmalen, ayen ixuṣṣen meṛṛa ad imḥu. 11 Asmi lliɣ d aqcic, ttmeslayeɣ am weqcic, ttxemmimeɣ, ttmeyyizeɣ s lɛeqliya n weqcic ; asmi uɣaleɣ d argaz, ǧǧiɣ lɛeqliya n weqcic. 12 Ass-agi, nettwali di lemri (nte: Zik, lemriyat ttwaxedmen s lḥelya, ur ṣfin ara) mbla afṛaz, meɛna imiren a nuɣal a nwali akken ilaq ; ass-agi tamusni-inu txuṣṣ, lameɛna imiren ad issineɣ akken i yi-issen Sidi Ṛebbi. 13 Tura ihi tlata n leḥwayeǧ-agi i yettdumun: Liman, asirem d leḥmala ; lameɛna di tlata-agi, d leḥmala i d tameqrant.