FEAFES Galicia, coa Asociación "Morea", de O Barco, e Fuco Reyes coa exposición "Mundo líquido" con nós.

No Sombreiro retomamos hoxe a nosa colaboración con FEFAES Galicia, desta volta, falaremos de "Deporte e saúde mental", con Amparo Rodríguez de Dios, terapeuta ocupacional e adestradora do equipo de balompé da Asociación Morea de O Barco. Anunciaremos o vindeiro X Campionato de Balompé "Todos polo fútbol", que se celebrará aquí en Compostela, o 2 de xullo, e onde intervirán seis equipos de sáude mental de toda Galiza. Estades convidad@s!! Máis actividades solidarias, desta volta co Presidente de Fotoforum Compostela, Fuco Reyes, quen ven falar da Exposición solidaria "Mundo Líquido", a beneficio do Centro da Muller "Vagalume", xurdido a iniciativa das Irmáns Oblatas. Convidámosvos a visitala na Igrexa da Universidade, aquí na nosa cidade, e admirar o bo facer dos fotógrafos participantes, membros todos da "Asociación Fotoforum Compostela", unindo as artes e os valores humáns. Na sección poética traemos a un dos meirandes poetas galegos, un poeta da dor e da forza na vida, Lois Pereiro, Letras galegas 2011. A fermosa voz de Carol Bret achegaranos a algúns dos seus maxistrais versos. Fechamos coa sección dedicada á infancia e mocidade lectoras, "De soños e gaiolas", co sempre bo criterio e saber facer da nosa querida colaboradora Pilar Sampedro. Lembrámosvos que temos aberto o noso "Certame de Microrrelatos de Panxea e O Sombreiro de Merlin", que alongamos todo o verán, para poder facer un especial dedicado ao tema de "Os refuxiados": xa sabedes, 250 verbas, a enviar baixo seudónimo a "[email protected]"