FEAFES Galicia coas "Xornadas de Emprego", Fotoforum Compostela, coa colectiva "Nos teus ollos" e IV Premio Panxea.

Hoxe FEAFES Galicia, con Manuel Juncal e Santiago Freire, e Fotoforum Compostela, coa colectiva "Nos teus ollos", con Fuco Reyes e Mino Andrade no Sombreiro!!! Este sábado recibimos a Fuco Reyes, presidente da Asociación Cultural Fotoforum Compostela, e a un dos seus membros, Mino Andrade, que veñen presentar a Exposición solidaria, "Nos teus ollos", a favor de "Juntos podemos". Fuco, recén chegado de Barcelona de recoller premio, e Mino, falarannos desta colectiva, onde varios artistas do mundo da fotografía unen os seus esforzos para presentarnos realidades cotidiáns que temos invisibilizadas, dende a ollada dos outros. A exposición estará ao longo do mes de decembro na sé da Fundación Torrente Ballester, na compostelana Rúa do Vilar. Moitas grazas a quen nos achega o seu traballo dun xeito tan serio e comprometido, as fotos serán donadas polos artistas e os beneficios irán ao Albergue de San Francisco, a través de "Juntos podemos".O Sombreiro acudirá á inauguración prevista para o vindeiro xoves, 4, ás 20.00h. e convidamos a todos a facelo por tan noble causa. Recibimos asimesmo de novo a FEAFES Galicia, para presentar as VI Xornadas de Saúde mental e Emprego, que se celebran a partires do vindeiro martes 2 de decembro, e que baixo o título de "Recuperación, emprego e inclusión", van na procura dunha sociedade máis igualitaria, neste caso no eido laboral, para a plena integración de persoas con algunha problemática de saúde mental, para que o seu desenvolvemento social e persoal sexa completo. Falaremos cun dos seus responsables, Manuel Juncal, e un usuario, Santiago Freire, para escoitar en voz propia este tema a tratar nas devanditas Xornadas. Parabéns tamén a eles polo esforzo e a laboura que desenvolven. Continuaremos en vindeiros programas a dialogar con FEAFES e difundir o seu traballo en Galicia. Completamos programa coa sección de literatura infanti e xuvenil con Andrea Barreira, quen falaranos tamén de libros solidarios e lembraranos o proxecto Ilusionaria, que xa presentamos no Sombreiro e ao que de novo adicaremos programa en datas moi cercanas. A música da man de Patricia Ares, melancolía con Roy Orbison e máis temas que xa ela vos contará... E temos xa gañadora e accésit para a IV Edición do Concurso de Microrrelatos de Panxea e o Sombreiro de Merlin: a gañadora é Cachín Díaz por "Sikrma", e o accésit para Marcos Vega por "O Trasacordo". Parabéns a eles, o Premio será entregado o vindeiro xoves, día 4, ás 20.30h no local de Panxea en Compostela, cunha Festa das Especias moi especial. Ali vos agardamos!!!