FEAFES Galicia, con Omaira Tuirán, o poeta David González, Lulu Forraje e Lucía Pereira, de Panxea, no Sombreiro!

Hoxe, no Sombreiro de Merlin, en Radio Obradoiro, temos un programa deses que aos profesionais de radio encántanos facer: Damos voz de novo a FEAFES Galicia: desta volta coa súa Presidenta, Omaira Tuirán, e con Yordani Torres, usuario da mesma, arteterapia en entorno natural, aquí, na Galiza! E manteremos unha imprescindible conversa telefóncia cunha das nosas mellores voces poéticas, David González, falará da súa poética e do último poemario publicado con Origami, "Campanas de Etiopìa"; a obra de González é xa obxecto de estudio coma"poeta da consciencia" ,desta volta, pola filóloga Natalia Salmerón, en "Lo que sobrevive después del naufragio". E homenaxe sorpresa para David por parte de Lulu de Forraje, quen interpretará un tema ao vivo, todo un lujazo!! Despedimos no Sombreiro, cun merecidísimo agradecemento, á doutora, Lucía Pereira Pardo, quen coordinou xunto con Panxea, e a directora do Sombreiro, Alicia López, o concurso de microrrelatos que celebra xa una nova edición: con Lucía faremos balance do Certame, e da súa partida cara a Cambridge, cunha necesaria reflexión sobre a situación d@s investigador@s no noso país. Sección "O Marcapáxinas" con Manuel Fernández, nun dos nosos mellores programas da tempada. A dirección do Sombreiro, xunto coa súa presentación, redacción de contidos, e postproducción, vai da man de Alicia López.