FEAFES Galicia e os gañadores do V Certame de Panxea e o Sombreiro.

Recibimos hoxe a FEAFES Galicia, retomamos así, a nosa colaboración coa Federación recibindo ao seu director, Antonio Hernández, co que falaremos de xeito claro e directo, do que foi o 2014 e os retos cara o 2015. Comezamos tempada encarando a verdade do que está a suceder no eido desta Federación de Asociacións de Familiares e Persoas con Enfermidade mental de Galicia. En primeira persoa, o traballo de todo un colectivo, moitísimas grazas a todos eles pola laboura, tedes os nosos micros a vosa disposición! Seguimos coas nosas literarias seccións, "Marcapáxinas", con Manuel Fernández e o "Triquitraque", con Andrea Barreira e a música acompañaranos coas escollas de Patricia Ares. E xa temos gañadores do V Certame de Panxea e o Sombreiro de Merlin, que desta volta iba adicado aos pequenos e pequenas da casa: os textos gañadores son tres: María Carballido, por "Contaminación", coma o relato máis ecoloxista; Rita Domínguez, por "A vida de John Lennon", como relato máis pacifista, Pepe Domínguez, con "Sol de bombilla", como mellor relato de ciencia ficción. Noraboa aos tres, alumos da Escola de Música Berenguela e da aula de Escrita que dirixe alí a directora do Sombreiro Alicia López, quen está moi, pero que moi orgullosa. Grazas, María, Rita e Pepe, por concursar!!!!!