FEAFES Galicia no Sombreiro de Merlin: comezamos nova colaboración!

HOXE NO SOMBREIRO VESTIMOS DE GALA: COMEZAMOS UNHA NOVA COLABORACION: "FEAFES GALICIA" :Federación de Asociacións de Familiares e Persoas con Enfermidade mental de Galicia. Benvidos!!! Hoxe sábado, o noso programa achega a todos os nosos ouvintes, FEAFES Galicia, unha Federación de Asociacións de Familiares e Persoas con Enfermidade mental de Galicia; con nós estará Ana Escrigas, responsable de comunicación da devandita federación. Con ela presentaremos FEAFES Galicia, faremos unha valoración do Día Mundial da Saúde Mental que ven de celebrarse, e presentaremos temas dos que falaremos en vindeiros programas, unindo o arte e a comunicación cos temas humanos e sociais de interese crucial nos nosos tempos. Agradecemos dende aquí a todos os profesionais e persoas anónimas que traballan por un mundo igualitario. O programa seguirá coas súas seccións habituais, "O Marcapáxinas", con Manuela Arcos, con Susana Vázquez Pereira falaremos deses costumes máis ou menos curiosos dos escritores e escritoras á hora de crear as súas obras, e presentaremos nova colaboradora, Patricia Ares,quen levará a sección musical coa que sempre acompañamos ás nosas letras e que fecha sempre o noso programa. Benvida Patricia!