Ferðaliðið týsdag í Kaldbak og á Hvítanesi

Fyrst tosar Jákup við Lenu Reinert, sum greiðir frá kirkjuni í Kaldbak, ættarnavninum Reinert, bygdini Kaldbak og hennara kirkjugørðum. Maria var eisini í Kaldbak, har hon fyrst hitti bóndan Í Útistovu, Hans Petur Nolsøe, ið millum annað greiddi frá førleikanum, ein eigur at hava, um ein vil virka sum bóndi. Í Kaldbak fór Maria eisini í skúlan, har hon hitti fleiri 5. floks næmingar og prátaði við læraran, Rudolf Joensen, sum í 15 ár hevur undirvíst í Kaldbaks skúla, har 31 næmingar ganga. Seinni partur av sendingini var beinleiðis av Hvítanesi, sum er ein bygd í Tórshavnar Kommunu. Jákup hitti Esmar Joensen, lim í Hvítanesnevndini hjá býráðnum, men sum fyrst og fremst er hvítanesmaður við stóra H. Hann greiddi frá skelsandinum á helluni niðri á nesinum og bæði skakandi og hugaligum tilburðum á Hvítanesi í lívi sínum. Hann er 41 ára gamal.