Fórum við út saman að gamni okkar

Reykvíkingar dagsins í dag ljá Reykvíkingum frá árinu 1918 rödd sína og lesa valda texta frá því ári. Í þessum þætti les Jóhanna Bjarnarson, þjónustustjóri ræstingafyrirtækisins Sólar úr bréfi Bjarnfríðar Einarsdóttur ráðskonu sem búsett var á Njálsgötu 40 til Kristrúnar Eyjólfsdóttur húsfreyju í Mosfellssveit. R1918 er samstarfsverkefni Listahátíðar í Reykjavík, Landsbókasafnsins og RÚV. Textavinna: Landsbókasafn Íslands-Háskólabókasafn og Bjarni Jónsson. Tónlist: Úlfur Eldjárn. Samsetning: Þorgerður E. Sigurðardóttir.