Fran Sieira presenta "Benquerer" no Pazo da Cultura, unha peza íntima sobre coidado emocional e límites persoais

O Pazo da Cultura acollerá este venres 24 de abril “Benquerer”, o novo espectáculo de Fran Sieira Compañía de Danza, unha proposta íntima que combina danza e música en directo co dúo Caamaño & Ameixeiras. A peza afonda no significado de quererse ben e na necesidade de escoitar o corpo, poñendo o foco no autocuidado e nos límites persoais nun contexto marcado pola esixencia constante. Cun enfoque emocional e perspectiva de xénero, o espectáculo convida a reflexionar sobre a vulnerabilidade e a aceptación dos procesos vitais. A función, prevista para as 20.30 horas, ofrece unha experiencia escénica que conecta co cotián e coa realidade de moitas persoas.