فاطمہ کی ایگزٹ ٹریفکنگ کی تکلیف دہ کہانی جب وہ بچوں کے ساتھ پاکستان میں پھنس گئیں !

فاطمہ (فرضی نام) اور ان کے بچے آسٹریلین شہری ہیں ۔شادی کے بعد ۲۰۱۹ میں وہ اپنے بچوں کے ساتھ آبائی وطن پاکستان گئیں مگر فاطمہ اس وقت بیرونِ ملک محصور ہو کر رہ گئیں جب گھریلو تشدد کے بعد انہوں نے شوہر سے علیحدگی اختیار کر لی، جس کے بعد سابقہ شوہر نے فاطمہ کے ساتھ سفر کرنے والے اپنے بچے کا پاسپورٹ بنوانے کی اجازت دینے سے انکار کردیا۔ گھریلو تشدد کے خلاف کام کرنے والے گروپس کا دعویٰ ہے کہ اس طرح کے ہتھکنڈوں کا مقصد پارٹنر کی آسٹریلیا واپسی کے راستے بند کرنا ہوتا ہے۔ آسٹریلین فیڈرل پولیس کے مطابق حالیہ سالوں میں ساتھی کی آسٹریلیا واپسی کو روکنے کے واقعات میں اضافہ ہوا ہے۔ جانئے ایسی صورتحال میں متاثرین کس طرح مدد حاصل کر سکتے ہیں؟