(General News) ၵေႃတႆး ၵွင်ႉၸွမ်းၸၼ်ႉၸွမ်ရၢတ်ႉၶျၽတ်းၵဵင်းႁၢႆးပွၵ်ႈၼႆႉ လုၵ်ႈႁဵၼ်းလိူၵ်ႈလႆႈလၢႆပၢႆး

ၵေႃတႆး ၵွင်ႉၸွမ်းၸၼ်ႉၸွမ်ရၢတ်ႉၶျၽတ်းၵဵင်းႁၢႆးပွၵ်ႈၼႆႉ လုၵ်ႈႁဵၼ်းလိူၵ်ႈလႆႈလၢႆပၢႆးၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်းပၢႆးပၺ်ႇၺႃႇ ၼႆႉ ယိင်ႈလုမ်ႈၾႃႉၶိုၼ်ႈယႂ်ႇၶိုတ်းၵၢပ်ႈမႃး ယိင်ႈလမ်ႇလွင်ႈ ။ ပေႃးထၢၼ်ႈပၢႆးပၺ်ႇၺႃႇ တီႈလႂ်တီႈၼၼ်ႈ ဢမ်ႇၶိုတ်းၸၼ်ႉ ဢမ်ႇမီးလၵ်းၸဵင်ဢၼ်ၸၼ်ႉၵူႈမိူင်းမိူင်းမၵ်းမၼ်ႈ တႃႇၵူၼ်းၼုမ်ႇလႄႈၵူၼ်းမိူင်းၵူႈသႅၼ်းထၢၼ်ႈ တေသူႇၸူး ၵၢၼ်ယုၵ်ႉမုၼ်းၸၢတ်ႈပၢၼ်တူဝ်ၵဝ်ႇၼၼ်ႉယၢပ်ႇ ။ ၸင်ႇၼၼ်လႄႈ ၶူးသွၼ်မေႃသွၼ် တီႈ ၵေႃတႆး ၸၼ်ႉၸွမ်တူင်ႇၵူၼ်းတႆး ၵေႃႈ ဝူၼ်ႉယၢဝ်းႁၼ်ၵႆသေ ၼင်ႇႁိုဝ် လုၵ်ႈႁဵၼ်းတီႈၵေႃတႆး ပေႃးတေမီးတိုဝ်ႉတၢင်းလီ သုၼ်ႇလီ တႃႇပူၵ်းပွင်ၸၢတ်ႈပၢၼ်ၵႂႃႇလႆႈထၢင်ႇႁၢင်ႈၼၼ်ႉ ႁႃလၢႆးတၢင်းပၼ်ယူႇတႃႇသေႇ ။ ၼႂ်းလိူၼ်ဢေႃႊၵၢတ်ႉသ် ၼႆႉ ၵေႃတႆး လႆႈႁူပ်ႉထူပ်းၵၼ်တင်း ဢႃးၸၢရ်လႄႈၽူႈမီးပုၼ်ႈၽွၼ်း တီႈ ၸၼ်ႉၸွမ်ရၢတ်ႉၶျၽတ်းၵဵင်းႁၢႆးသေ လႆႈတူၵ်းလူင်းလႆႈၸႂ်ၵၼ်ဝႆႉလၢႆပိူင် တႃႇယုၵ်ႉမုၼ်းၸၼ်ႉပၢႆးပၺ်ႇၺႃႇလုၵ်ႈႁဵၼ်းၵေႃတႆး ။ ၵၢၼ်တူၵ်းလူင်း ၵၼ်ပွၵ်ႈ ၼႆႉ မီးလွင်ႈလီ တႃႇလုၵ်ႈႁဵၼ်း ၵႂႃႇမိူဝ်းၼႃႈတင်းၼမ် ဝႃႈၼႆ ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ် ၵႂႃႇၶႃႈဢေႃႈ ။#ၽူႈတွႆႇႁွၵ်ႈ#ShanNews