(General News) ပျီႇတူႉၸိတ်ႉပဢူဝ်း တီႉလႆႈၵူၼ်းၵိၼ်ယႃႈၸမ်ပၢၵ်ႇ ၵူၼ်းၶၢႆတႄႉဢမ်ႇတီႉ

ပျီႇတူႉၸိတ်ႉပဢူဝ်း တီႉလႆႈၵူၼ်းၵိၼ်ယႃႈၸမ်ပၢၵ်ႇ ၵူၼ်းၶၢႆတႄႉဢမ်ႇတီႉၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း မိူင်းတႆးၼႆႉ ယၢမ်ႈၸိုဝ်ႈလိုဝ်းလူၺ်ႈယႃႈမဝ်းၵမ်ၵိုၵ်းလုမ်ႈၾႃႉမႃး မိူဝ်ႈပၢၼ်ၶုၼ်သႃႇ ၊ ထိုင်ပၢၼ်ၼႆႉၵေႃႈ ပႆႇလွတ်ႈၶွတ်ႇယႃႈမဝ်းၵမ်လႆႈ ။ ၸုမ်းယိပ်းၵွင်ႈၵၢင်ႇၵေႃႈ ၸွမ်းၼႃႈတီႈၽႂ်မၼ်းတႄႉ ၽႂ်ၵေႃႈဝႃႈ မီးပိူင်တႃႇၽဵဝ်ႈမူၺ်ႉယႃႈမဝ်းၵမ် ။ ၼပ်ႉႁူဝ်သိပ်းပီမၼ်းၵေႃႈ ဢမ်ႇမူၺ်ႉႁၢႆလႆႈ ။ မိူဝ်ႈလဵဝ် တီႈၼႂ်းၼႃႈတီႈၸုမ်းပျီႇတူႉၸိတ်ႉပဢူဝ်း PNO ၵုမ်းၼႆႉ တႃႇၽဵဝ်ႈမူၺ်ႉယႃႈမဝ်းၵမ်ၼႆသေ လႄႇႁႃပႂ်ႉၺွပ်းၵူၼ်းသူႇသမ်းၵိၼ်ယႃႈၵူႈယွမ်ႇ ။ ၸူဝ်ႈလူင်းပိုၼ်ႉတီႈ တီႉၺွပ်းမႃးၼႆႉ ၵူၼ်းၵိၼ်ယႃႈပေႃးလူၼ်ႉၶွၵ်ႈသေတႃႉ ၵူၼ်းၶၢႆယႃႈ ၊ ၵူၼ်းႁဵတ်းဢွၵ်ႇယႃႈ သမ်ႉဢမ်ႇႁၼ်တီႉၺွပ်းပၼ်တၢမ်ႇသင် ႁႂ်ႈႁၼ်တႂ်ႈၼႃႈတႂ်ႈတႃ လႄႈႁဵတ်းႁႂ်ႈၵူၼ်းၼမ်ၶမ်ၸႂ်သေ တင်ႈၵႂၢမ်းထၢမ်ဝႃႈ တီႉၺွပ်းၵူၼ်းၵိၼ်မၼ်းလၢႆလၢႆ ၵူၼ်းၶၢႆဢမ်ႇတီႉလႆႈတႄႉ မိူဝ်ႈလႂ်တေၵႂၢတ်ႇလၢင်ႉလႆႈ ဝႃႈၼႆ ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။#ၽူႈတွႆႇႁွၵ်ႈ#ShanNews