(General News) သဵင်ပၢၵ်ႇၸႃႉၵေႃႈ ၼမ်ႉၸႂ်ဝၢၼ် ၵူၼ်းငၢၼ်ၾၢႆႇလိၵ်ႈလၢႆးပၢႆးမွၼ်း (မၢႆတွင်း သၶႁ လူႉသဵင်ႈ 15 ပီ)

သဵင်ပၢၵ်ႇၸႃႉၵေႃႈ ၼမ်ႉၸႂ်ဝၢၼ် ၵူၼ်းငၢၼ်ၾၢႆႇလိၵ်ႈလၢႆးပၢႆးမွၼ်း (မၢႆတွင်း သၶႁ လူႉသဵင်ႈ 15 ပီ)ၽူႈတွႆႇႁွၵ်ႈ ၊ၸၢႆးသႂ်ၸိုၼ်ႈမိူင်းၵူၼ်းၵမ်ႈၼမ် ၼင်ႇႁိုဝ်ပိူၼ်ႈတေႁၼ်လီ ထုၵ်ႇၸႂ်ၼိူဝ်ၸဝ်ႈၵဝ်ႇၼၼ်ႉ ၶတ်းၸႂ်လၢတ်ႈၵႂၢမ်းလီ လၢတ်ႈဢူၼ်ႈ ၶျေႃးဝွၼ်း ။ ဢမ်ႇသူႈမီးၽႂ် ၶႂ်ႈႁႂ်ႈပိူၼ်ႈႁၼ်ၸႃႉႁၼ်ၽိတ်းၼိူဝ်တူဝ်ၸဝ်ႈၵဝ်ႇ ။ ၵမ်ႈၼမ် ၶတ်းၸႂ်လၢတ်ႈဝၢၼ် ၶၢၼ်ပၢၵ်ႇႁႂ်ႈလီထွမ်ႇမိုတ်ႈႁူ ၼင်ႇႁိုဝ်တေၶဝ်ႈဢွၵ်ႇၵူၼ်းၼမ်ငၢႆႈ ။ ဝႃႈၼၼ်သေတႃႉ ဢၼ်လၢတ်ႈပၢၵ်ႇၸႃႉ သဵင်ၸၢင်သေ မီးၵူၼ်းႁၵ်ႉၵူၼ်းမိုတ်ႈၼမ် ၵိုၵ်းပိုၼ်းတႆးၼႆႉ မီးယူႇၵေႃႉၼိုင်ႈ။ ၼၼ်ႉၵေႃႈ ပဵၼ်သၶႁ ႁိုဝ် ၸဝ်ႈသႅင်ၸိုၼ်ႈ ။ ဝၼ်းမိူဝ်ႈၼႆႉ မၼ်းၸဝ်ႈဢမ်ႇမီးၼႂ်းမိူင်းၶူင်းၵၢင်ၼႆႉယဝ်ႉသေတႃႉ ၽႂ်ၽႂ်ၵေႃႈ ယင်းတိုၵ်ႉၶုၵ်းၶူၼ်ႉဝူၼ်ႉထိုင်လွင်ႈမၼ်းၸဝ်ႈသေ တူၵ်ႇထိုင်လွင်ႈမၼ်းၸဝ်ႈယူႇ ။ မၼ်းၸဝ်ႈပၢၵ်ႇၸႃႉသဵင်ၸၢင် သေတႃႉ ၼမ်ႉၸႂ်ဢမ်ႇၵူတ်ႉငေႃးတေႃႇၽႂ်လႄႈ ၵူၼ်းႁၵ်ႉၼမ် ၵူၼ်းၸမ်ၸႂ်လိူင်ႇ ။ ၵိုင်ႇတင်းပေႃးပဵၼ် ၵူၼ်းၵိုၵ်းပိုၼ်း ၵႂႃႇ ။ သဵင်ၸၢင်ၵေႃႈ ၶေႃႈဢၼ်လီသွၼ်ႇလီဢဝ်မၼ်းၸဝ်ႈမီးဝႆႉပၼ်တင်းၼမ် ။ မိူဝ်ႈၼႆႉ ပဵၼ်ဝၼ်းၶုၵ်းထူပ်း သၶႁ လူႉသဵင်ႈ ၶွပ်ႈတဵမ် 15 ပီ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇယူႇၶႃႈဢေႃႈ ။#ၽူႈတွႆႇႁွၵ်ႈ#ShanNews