(General News) ဢႃႊသီႊယၼ်ႊ ပၵ်းၸႂ်ၼိူဝ် တႃႇတေႃႇဢွင်ႇသၢၼ်းၸူႉၵျီႇ ပူၼ်ႉလွတ်ႈလွင်ႈၵုမ်းၶင်

ဢႃႊသီႊယၼ်ႊ ပၵ်းၸႂ်ၼိူဝ် တႃႇတေႃႇဢွင်ႇသၢၼ်းၸူႉၵျီႇ ပူၼ်ႉလွတ်ႈလွင်ႈၵုမ်းၶင်ၽူႈတွႆႇႁွၵ်ႈ/ၼၢင်းမူၺ်ၶမ်းၼႂ်းပီ 2026 ၼႆႉ ဢွင်ႇသၢၼ်းၸူႉၵျီႇ ၺႃးသိုၵ်းမၢၼ်ႈတီႉၺွပ်းၵုမ်းၶင်တူဝ်ဝႆႉ ႁိုင်မႃးၶၢဝ်းတၢင်း 2000 ဝၼ်းပၢႆယဝ်ႉ။ ပီၼႆႉ ဢွင်ႇသၢၼ်းၸူႉၵျီႇၵေႃႈ သမ်ႉဢႃယုၶွပ်ႈတဵမ် 81 ပီယဝ်ႉလႄႈ မၼ်းၼၢင်းၸွင်ႇတိုၵ်ႉမီးဢႃယုသၢႆၸႂ်လိပ်းၶီးယူႇႁိုဝ် ဢမ်ႇၼၼ် ၸွင်ႇယူႇလီ၊ မီးယူႇတီႈလႂ်ၼႆ ၽႂ်ၵေႃႈဢမ်ႇႁူႉၸွမ်း ။ ယွၼ်ႉပိူဝ်ႈသိုၵ်းမၢၼ်ႈဢမ်ႇပၼ်ၽႂ်ၵေႃႉလႂ် ၵႂႃႇႁူပ်ႉထူပ်းလႃးလႃး။ ၵူၺ်းၵႃႈ ယိင်ႈသိုၵ်းမၢၼ်ႈ ႁၢမ်ႈပိၵ်ႉႁႄႉလွင်ႈမၼ်းၼၢင်းၵႃႈႁိုဝ်ၵေႃႈ ၼႂ်းသၢႆတႃလုမ်ႈၾႃႉ ပႃးၸဵမ်ဢႃႊသီႊယၼ်ႊၼႆႉ ဢွင်ႇသၢၼ်းၸူႉၵျီႇ တိုၵ်ႉပဵၼ်ၵၢၵ်ႇသေႃး လမ်ႇလွင်ႈလူင်တွၼ်ႈတႃႇၵႄႈလိတ်ႈပၼ်ႁႃ ၵၢၼ်မိူင်းမိူင်းမၢၼ်ႈ မၢၵ်ႈၼိုင်ႈယူႇ။ လွင်ႈၼႆႉ မူၺ်ၶမ်း တႅမ်ႈဝႆႉသေ ၼၢင်းၽူၺ်းၼုမ်ႇတေႁၢႆးငၢၼ်းၼေပၼ်ၵႂႃႇၶႃႈဢေႃႈ။ #ၽူႈတွႆႇႁွၵ်ႈ#ShanNews