(General News) သိုၵ်းမၢၼ်ႈပွႆႇလွတ်ႈၵူၼ်းတူၵ်းၶွၵ်ႈလၢႆၵမ်း ၵူၺ်းပႆႇပႃးတူဝ်ဢွင်ႇသၢၼ်းၸူႉၵျီႇ

သိုၵ်းမၢၼ်ႈပွႆႇလွတ်ႈၵူၼ်းတူၵ်းၶွၵ်ႈလၢႆၵမ်း ၵူၺ်းပႆႇပႃးတူဝ်ဢွင်ႇသၢၼ်းၸူႉၵျီႇၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်းသိုၵ်းမၢၼ်ႈတီႉၵူၼ်းတူင်ႉၼိုင်ၼႂ်းၵၢၼ်မိူင်းယဵတ်ႈၶွၵ်ႈ တင်ႈတႄႇယိုတ်းဢႃႇၼႃႇၸိုင်ႈမိူင်းမႃးတေႃႇထိုင်ယၢမ်းလဵဝ် မီးမႃးထိုင် 3 မိုၼ်ႇပၢႆ။ ၼႂ်းၵႄႈၼႆႉ ၼင်ႇႁိုဝ် ၵူၼ်းမိူင်းတၢင်းၼွၵ်ႈတၢင်းၼႂ်းပေႃးတေႁၼ်လီယွမ်းႁပ်ႉၼၼ်ႉ သိုၵ်းမၢၼ်ႈ ဢဝ်တိုဝ်ႉတၢင်းဝၼ်းလမ်ႇလွင်ႈသေဢၼ်ဢၼ် ပူတ်းပွႆႇပၼ်ၵူၼ်းတူၵ်းၶွၵ်ႈမႃးလၢႆၵမ်း ။ မိူဝ်ႈပီမႂ်ႇဝၼ်းၼိုင်ႈသၢင်းၵျၢၼ်ႇၼႆႉ သိုၵ်းမၢၼ်ႈပွႆႇပၼ်ၵူၼ်းတူၵ်းၶွၵ်ႈ 4 ႁဵင်ပၢႆ- ပႃးမႃး ၸွမ်ၸိုင်ႈၵဝ်ႇ ဢူးဝိၼ်းမျိၼ်ႉ။ တေႃႇဢွင်ႇသၢၼ်းၸူႉၵျီႇတႄႉ ဢမ်ႇပႃး ။ ထိုင်မႃး လိူၼ်ႁူၵ်းမူၼ်း 2026 ၼႆႉ သမ်ႉမီးၶၵ်ႉတွၼ်ႈပွႆႇၵူၼ်းတူၵ်းၶွၵ်ႈထႅင်ႈ ႁဵင်ပၢႆ။ ၼႂ်းၼၼ်ႉၵေႃႈဢမ်ႇ ပႆႇပႃးတေႃႇဢွင်ႇသၢၼ်းၸူႉၵျီႇထႅင်ႈလႄႈ လုၵ်ႈၸၢႆးမၼ်းၼၢင်းလႄႈ ၵူၼ်းၸိူဝ်းယုမ်ႇယမ်မၼ်ႈၸႂ်ၼိူဝ်မၼ်းၼၢင်းဢွၼ်ၵၼ်ဢွၵ်ႇမႃးတုၵ်းယွၼ်းလၢတ်ႈ ႁႂ်ႈၸဵဝ်းပူတ်းပွႆႇပၼ်မၼ်းၼၢင်း ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။#ၽူႈတွႆႇႁွၵ်ႈ#ShanNews