(General News) တႃႈၶီႈလဵၵ်း ပဵၼ်တီႈၵူၼ်းယွင်ႇဢႃႇၼႃႇၶဝ် ထႆၵိၼ်ငိုၼ်း

တႃႈၶီႈလဵၵ်း ပဵၼ်တီႈၵူၼ်းယွင်ႇဢႃႇၼႃႇၶဝ် ထႆၵိၼ်ငိုၼ်းၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်းၼႂ်းမိူင်းတႆးၼႆႉ ၸုမ်းယိပ်းၵွင်ႈၵၢင်ႇ ၼမ်လိူဝ်တၢင်ႇၸႄႈမိူင်းဢၼ်မီးၼႂ်းမိူင်းႁူမ်ႈတုမ်မၢၼ်ႈ ။ ပေႃးဝႃႈမိူင်းသုၵ်ႉ ၼႆ ၵေႃႈ မိူင်းတႆး သုၵ်ႉသေပိူၼ်ႈ ။ ဝႃႈၼၼ်သေတႃႉ ဢၼ်ၵူၼ်းမိူင်း ဢမ်ႇပေႃးလႆႈမႆႈၸႂ်ၸွမ်းပၢင်တိုၵ်းသိုၵ်းသိူဝ်ၼႆႉ ပဵၼ်ၼႂ်းမိူင်းတႆးပွတ်းဢွၵ်ႇ။ ၵွပ်ႈၼႆလႄႈ ဢွၼ်ၵၼ်လႆမႃးယူႇသဝ်းတၢင်းဝဵင်းၵဵင်းတုင် - တႃႈၶီႈလဵၵ်း။ မိူၼ်ၼင်ႇဝဵင်း တႃႈၶီႈလဵၵ်း ၼႆႉသမ်ႉပဵၼ်ဝဵင်းဢၼ်တိတ်းၸပ်းတင်းလႅၼ်လိၼ်ထႆးလႄႈ ပဵၼ်တီႈႁႃၵိၼ်လဵင်ႉတွင်ႉငၢႆႈ၊ ၵွပ်ႈၼႆ ဢမ်ႇၵႃး ၵူၼ်းမိူင်းတႆး ပွတ်းတူၵ်းၶူင်းၵူၺ်း ၵူၼ်းတၢင်းမိူင်းမၢၼ်ႈတူင်ႈပဵင်းၵေႃႈဢွၼ်ၵၼ်မႃးယူႇသဝ်းႁဵတ်းၵၢၼ်၊ ၵူၼ်း တၢင်းၾင်ႇမိူင်းထႆး မိူင်းလၢဝ်းၵေႃႈ မႃးယူႇတီႈတႃႈၶီႈလဵၵ်း သမ်ႉပေႃးၵိုၼ်းၶွၼ်ႈ။ ၵၢၼ်ႁဵတ်းၽိတ်းပၵ်းပိူင် မၢႆမီႈၵေႃႈမီးၼမ်။ ပလိၵ်ႈမၢၼ်ႈ သိုၵ်းမၢၼ်ႈ ဢိၵ်ႇၸုမ်းယိပ်းၵွင်ႈၵၢင်ႇၸုမ်းမီးဢႃႇၼႃႇၼႂ်းပိုၼ်ႉတီႈ ၵေႃႈမီး လွင်ႈၵိၼ်သူးၵိၼ်လၢပ်ႈၼမ် - ထႆၵိၼ်ငိုၼ်းပိူၼ်ႈၼမ်။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်း ၼႄပၼ် ၵႂႃႇၶႃႈဢေႃႈ။#ၽူႈတွႆႇႁွၵ်ႈ#ShanNews