(General News) ၸုမ်းႁၵ်ႉသႃမႄႈၼမ်ႉမိူင်းထႆး ယိုၼ်ႈလိၵ်ႈၸူးလုမ်းၽွင်းတၢင်မၢၼ်ႈ တႃႇပၼ်မိၼ်းဢွင်ႇလၢႆႇ

ၸုမ်းႁၵ်ႉသႃမႄႈၼမ်ႉမိူင်းထႆး ယိုၼ်ႈလိၵ်ႈၸူးလုမ်းၽွင်းတၢင်မၢၼ်ႈ တႃႇပၼ်မိၼ်းဢွင်ႇလၢႆႇ ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်းၸိူဝ်းလုၵ်ႉၽိုၼ်ႉသိုၵ်းမၢၼ်ႈတႄႉ ၶႂ်ႈႁႂ်ႈသိုၵ်းမၢၼ်ႈ မွတ်ႈဝၢႆးၸူမ်လူမ်ႉထိုင်ႁၢၵ်ႈထိုင်တေႃဝႆးဝႆးၼႃႈယဝ်ႉၼႆသေတႃႉ ၾၢႆႇသိုၵ်းမၢၼ်ႈတႄႉ ႁႃႁူမ်ႈႁႅင်း မိူင်းၼိုင်ႈယဝ်ႉမိူင်းၼိုင်ႈမႃးၶိူဝ်းယႂ်း ။ ၼႂ်းလိူၼ်ဢေႃႊၵတ်ႉသ် 2026 ၼႆႉၵေႃႈ ၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇ ဢၼ်ၶိုၼ်ႈပဵၼ်ၸွမ်ၸိုင်ႈမိူင်းႁူမ်ႈတုမ်မၢၼ်ႈႁင်းၵူၺ်းဝႆႉၼႆႉ တေႁွတ်ႈထိုင် ႁူပ်ႉထူပ်းၸွမ်ၸိုင်ႈမိူင်းထႆး ။လွင်ႈၼႆႉ ႁဵတ်းႁႂ်ႈ ၵူၼ်းၼမ်ပၵ်းတႃပႂ်ႉတူၺ်း။ ဢဝ်တိုဝ်ႉတၢင်းၼႆႉသေ ၾၢႆႇႁၵ်ႉသႃမႄႈၼမ်ႉမိူင်းထႆးၵေႃႈ ဢွၼ်ၵၼ်ႁၢင်ႈႁႅၼ်းယိုၼ်ႈလိၵ်ႈပၼ်မိၼ်းဢွင်ႇလၢႆႇၵမ်းသိုဝ်ႈ ။ ၵွၼ်ႇၼႃႈ မိၼ်းဢွင်ႇလၢႆႇပႆႇထိုင်ထႆးၼၼ်ႉ ဢွၼ်ၵၼ် ယိုၼ်ႈလိၵ်ႈဝႆႉတီႈလုမ်းတၢင်မၢၼ်ႈ လူင်ႈၼႃႈ။ ပိူင်လူင် ႁႂ်ႈမိၼ်းဢွင်ႇလၢႆႇ ဝႆႉၼမ်ႉၼၵ်း ၵႄႈလိတ်ႈပၼ် လွင်ႈမႄႈၼမ်ႉဝူၺ်ႇႁင်ႈ ဢၼ်ႁဵတ်းႁႂ်ႈၵူၼ်းမိူင်းတင်းသွင်ၾင်ႇထူပ်းၽေးယူႇၸိူဝ်းၼႆႉ ဝႃႈၼႆ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ ။#ၽူႈတွႆႇႁွၵ်ႈ#ShanNews