(General News) ၾႃႉၽႃႇၾုင်ဝူဝ်းတၢႆတီႈၶူဝ်လမ် ၸဝ်ႈဝူဝ်းယၢပ်ႇၽိုတ်ႇတႃႇလူင်းတိုၼ်းထႅင်ႈ

ၾႃႉၽႃႇၾုင်ဝူဝ်းတၢႆတီႈၶူဝ်လမ် ၸဝ်ႈဝူဝ်းယၢပ်ႇၽိုတ်ႇတႃႇလူင်းတိုၼ်းထႅင်ႈၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်းၼႂ်းမိူင်းတႆးၼႆႉ ၸဵမ်မိူဝ်ႈၵူၼ်းတၢင်းၼွၵ်ႈ တၢင်ႇတီႈသီႇလႅၼ် ပႆႇၶဝ်ႈတင်ႈပၢႆးမၢၵ်ႈမီးသင်ၵေႃႈ တိုၼ်းမီးၵၢၼ်ႁႃၵိၼ်လဵင်ႉတွင်ႉႁင်းၽႂ်မၼ်းမႃး ။ ၵမ်ႈၼမ်ၵေႃႈ ပဵၼ်ၵၢၼ်ၽုၵ်ႇသွမ်ႈလႄႈလဵင်ႉတူဝ်သတ်းၸွမ်းဝၢၼ်ႈၸွမ်းသူၼ်။ လဵင်ႉၸဵမ်ဢဝ် ၵႆႇ ပဵတ်း မူ မႃႉ လႃး ဝူဝ်း ၵႂၢႆးၸိူဝ်းၼႆႉ ပၼ်ႇၵၢၼ်ႁႃၵိၼ်လဵင်ႉတွင်ႉမႃး ။ တေႃႇထိုင်ပၢၼ်ၼႆႉ ၾိင်ႈလဵင်ႉဝူဝ်းၵႂၢႆးၸိူဝ်းၼႆႉပႆႇႁၢႆ တိုၵ်ႉပဵၼ်ၵၢၼ်ယူႇ။မိူၼ်ၼင်ႇ ပွတ်းတၢင်းၶူဝ်လမ်(ၶူဝ်ၶမ်း) ၸိုင်ႈတႆးပွတ်းၸၢၼ်းၼႆႉ ၵူၼ်းပိုၼ်ႉတီႈ ၸိူဝ်းလဵင်ႉဝူဝ်းတိုၵ်ႉမီးၼမ် ။ ၵူၺ်းၵႃႈ ဢမ်ႇထၢင်ႇဢမ်ႇထိူမ်သေ ဝူဝ်းၾုင်ၼိုင်ႈ ၺႃးၾႃႉၽႃႇတင်းၾုင်လႄႈ ၸဝ်ႈဝူဝ်း ၵိၼ်းၸႂ်ဝႆႉ ။ ၸူးၸႂ်တႄႉ ၶႂ်ႈႁႂ်ႈ ၽူႈပွင်ဝၢၼ်ႈပွင်မိူင်းၶဝ် တူၺ်းၸွႆႈၵမ်ႉထႅမ်ပၼ်ၽွင်ႈ ၽွင်းၵူၼ်းမိူင်းတုမ်ႉတိူဝ်ႉၸွမ်းၽေးသၽႃႇဝၸိူဝ်းၼႆႉမႃး ဝႃႈၼႆ ။လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။#ၽူႈတွႆႇႁွၵ်ႈ#ShanNews