(General News) ၵူၼ်းမိူင်းယႆ ယွၼ်းႁႂ်ႈၽူႈၵဵဝ်ႇၶွင်ႈၵႄႈလိတ်ႈပၼ်လွင်ႈသိုၵ်းၵဝ်ႈၵၢင်ႉတဵၵ်းၵဵပ်းသိုၵ်း

ၵူၼ်းမိူင်းယႆ ယွၼ်းႁႂ်ႈၽူႈၵဵဝ်ႇၶွင်ႈၵႄႈလိတ်ႈပၼ်လွင်ႈသိုၵ်းၵဝ်ႈၵၢင်ႉတဵၵ်းၵဵပ်းသိုၵ်းၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်းၸဵမ်မိူဝ်ႈ ပၢင်ယၼ်ႇသိုၵ်း 1027 တႄႇသေ ၸုမ်းယိပ်းၵွင်ႈၵၢင်ႇၼႂ်းမိူင်းတႆးၼင်ႇၵၼ် မီးပၼ်ႁႃၵၼ်မႃးၶိူဝ်းယႂ်း ။ ပေႃးၵႂၢႆးတေႃးၵၼ်သမ်ႉၼႃႇတႄးၼႃး ၼင်ႇၵႂၢမ်းထုင်းမီးဝႆႉၼၼ်ႉ မီးပၼ်ႁႃသင်ၵေႃႈယဝ်ႉ ဢၼ်ၼၵ်းၸႂ် သေပိူၼ်ႈ သမ်ႉ ပဵၼ်ၵူၼ်းမိူင်း ။ ပၢင်တိုၵ်းပဵၼ်မႃးၵေႃႈ ၵူၼ်းမိူင်းတုမ်ႉတိူဝ်ႉဢွၼ်တၢင်း ၊ ၵူၼ်းသိုၵ်းဢမ်ႇပေႃးၵေႃႈ လၢၵ်ႈဢဝ်ၵူၼ်းမိူင်းၸႂ်ႉ ။ ၶိၼ်မၢပ်ႇမိပ်ႇငႅၼ်း တဵၵ်းၸႂ်ႉၵိၼ်ႁႅင်းၵူၼ်းမိူင်းလၢႆလၢႆလႄႈ ၵူၼ်းမိူင်းလၢႆတီႈၵိၼ်းၸႂ်။မိူၼ် မိူင်းယႆၼႆႉၵေႃႈ သိုၵ်းၵဝ်ႈၵၢင်ႉတဵၵ်းႁႂ်ႈၵူၼ်းဝၢၼ်ႈၵႂႃႇႁၢပ်ႇၵၢၼ်သိုၵ်း ၊ ပေႃးဢမ်ႇႁဵတ်းၸွမ်းသမ်ႉ ၺႃးတူတ်ႈတၢမ်ႇလူးၵွၼ်ႇ ။ ၵူၼ်းမိူင်းယႆတႄႉ တုၵ်းယွၼ်းႁႂ်ႈၸုမ်းဢၼ်ၵဵဝ်ႇၶွင်ႈၼႂ်းပိုၼ်ႉတီႈ ၸွႆႈၵႄႈလိတ်ႈပၼ်ၽွင်ႈ ၊ လူတ်းယွၼ်ႇပၼ်ၵူၼ်းမိူင်းၽွင်ႈ ဝႃႈၼႆ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။ #ၽူႈတွႆႇႁွၵ်ႈ#ShanNews