(General News) ဝဵင်းဝၢၼ်ႈငႂ်ႈ(ယႂႃႇငၢၼ်ႇ) ဢၼ်ယၢမ်ႈပဵၼ်တီႈၵတ်းယဵၼ်သုတ်းၼႂ်းမိူင်းတႆးၼၼ်ႉ ယဵၼ်းပဵၼ်ပိုၼ်ႉတီႈဢမ်ႇမီးပၵ်းပိူင် ႁူမ်ႇငမ်း

ဝဵင်းဝၢၼ်ႈငႂ်ႈ(ယႂႃႇငၢၼ်ႇ) ဢၼ်ယၢမ်ႈပဵၼ်တီႈၵတ်းယဵၼ်သုတ်းၼႂ်းမိူင်းတႆးၼၼ်ႉ ယဵၼ်းပဵၼ်ပိုၼ်ႉတီႈဢမ်ႇမီးပၵ်းပိူင် ႁူမ်ႇငမ်း ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်းဝၢႆးသိုၵ်းယိုတ်းမိူင်းၶၢဝ်းတၢင်း 5 ပီပၢႆၼႆႉ ၵူႈၸိူဝ်ႉၵူႈလွင်ႈလႅၵ်ႈလၢႆႈ သုတ်ႉၶၢႆႉၸူးလွင်ႈႁၢႆႉၸႃႉ၊ လွင်ႈၶိုၼ်ႈယႂ်ႇၵေႃႈ ယဵၼ်းပဵၼ်လွင်ႈတူၵ်းတႅမ်ႇတူၵ်းယေႃႈ ။ ပေႃးတႅၵ်ႈၵၼ်တင်းတၢင်ႇၸိုင်ႈမိူင်း မိူင်းမၢၼ်ႈ ပဵၼ်မိူင်းဢၼ်ၵွတ်းၽၢၼ် ၵႂႃႇတိၵ်းတိၵ်း ။ ၼႂ်းမိူင်းတႆးၵေႃႈ ယွၼ်ႉမီးလွင်ႈႁုၵ်ႉႁၢႆႉၼမ်မႃးလႄႈ ၶႅၵ်ႇၼွၵ်ႈမိူင်းၶဝ်ႈထိုင်ယၢပ်ႇ ။ ယႃႇဝႃႈၶႅၵ်ႇ တေႃႈၼင်ႇ ၵူၼ်းမိူင်းႁဝ်းၵူၺ်း ၵႂႃႇမႃးႁႃၵၼ်ယၢပ်ႇ။ ၼႂ်းၵႄႈမီးလွင်ႈၵူတ်ႇထတ်းထဵတ်ႈထၢမ်ႁၢမ်ႈႁႄႉႁၢဝ်ႈႁႅင်းယူႇၼႆႉ တီႈဝဵင်းဝၢၼ်ႈငႂ်ႈၵမ်းၵမ်းမီးလွင်ႈၶႃႈႁႅမ်ၵၼ်တၢႆ။ ၵူၺ်းၵႃႈ ဢမ်ႇသူႈမီးၸုမ်းလႂ်ၵႄႈလိတ်ႈပၼ်ႁႃၼႆႉ ။ ၼႂ်းလိူၼ်မေႊ 2026 ၼႆႉၵူၺ်း ၶႃႈႁႅမ်ၵၼ် ၵၼ်ႉၸၼ်ၵၼ်မီးဢမ်ႇၵိုတ်းဢမ်ႇထၢတ်ႇ။ ၵူၺ်းၵႃႈၵူၼ်းမိူင်းဢမ်ႇၸၢင်ႈသူင်ႇၶၢဝ်ႇပိုၼ်ၽႄႈ ယွၼ်ႉဢမ်ႇမီးသၢႆၾူၼ်း ဢိၼ်ႊထိူဝ်ႊၼႅတ်ႉ လႄႈဢမ်ႇမီးလွင်ႈႁူမ်ႇလူမ်ႈ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။#ၽူႈတွႆႇႁွၵ်ႈ#ShanNews